സുല്‍ത്താന്‍ ബത്തേരി: മാസം പാതിപിന്നിട്ടിട്ടും ശമ്പളം ലഭിക്കാത്തതിനാല്‍ ജില്ലാ ഡിപ്പോയായ ബത്തേരിയില്‍ ട്രാന്‍സ്‌പോര്‍ട്ട് ഡ്രൈവേഴ്‌സ് ഫെഡറേഷന്റെ നേതൃത്വത്തില്‍ കഞ്ഞിവച്ച് പ്രതിഷേധിച്ചു. ജില്ലാ ഡിപ്പോയായ ബത്തേരിയില്‍ സത്യഗ്രഹസമരം ചെയ്ത ജീവനക്കാരാണ് കഞ്ഞിവച്ച് പ്രതിഷേധം സംഘടിപ്പിച്ചത്. ഇന്നുകൂടി ശമ്പളം ലഭിക്കാത്ത സാഹചര്യത്തില്‍ നാളെ മുതല്‍ കുടുംബാംഗങ്ങളെക്കൂടി എത്തിച്ച് സമരം ശക്തമാക്കാനാണ് തൊഴിലാളികളുടെ തീരുമാനം. ഇതിനിടെ ഈ മാസം 23ന് പണിമുടക്കാനും തൊഴിലാളി സംഘടനായായ റ്റി.ഡി.എഫ് തീരുമാനിച്ചിട്ടുണ്ട്. കഞ്ഞിവച്ചുള്ള പ്രതിഷേധ സമരത്തിന് നേതാക്കളായ കെ.ജി ബാബു, ബാബുരാജ് കടവത്ത്, പി.പി കുര്യാക്കോസ്, പി.സി റോണി എന്നിവര്‍ നേതൃത്വം നല്‍കി.