മലപ്പുറം: എസ്.കെ.എസ്.എസ്.എഫ് സമര്‍ഖന്ദ് ഭവനപദ്ധതിയുടെ ഭാഗമായി നിര്‍മിച്ച പ്രഥമഭവനം കൈമാറ്റത്തിനൊരുങ്ങി.
പദ്ധതിയുടെ ഭാഗമായി കുന്നുംപുറം മേഖലയിലെ പാലമഠത്തില്‍ച്ചിന യൂനിറ്റ് എസ്.കെ.എസ്.എസ്.എഫ് സഹചാരി സെല്ലാണ് വീട് നിര്‍മിച്ചുനല്‍കുന്നത്.
പദ്ധതിയുടെ ജില്ലാതല ഉദ്ഘാടനവും പ്രഥമവീടിന്റെ താക്കോല്‍കൈമാറ്റവും 19ന് രാവിലെ പത്തിന് പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിക്കും. ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി അധ്യക്ഷനാകും. ജനറല്‍ സെക്രട്ടറി ഷഹീര്‍ അന്‍വരി പുറങ്ങ്, സയ്യിദ് ഹാശിറലി ശിഹാബ് തങ്ങള്‍, സയ്യിദ് നിയാസലി ശിഹാബ് തങ്ങള്‍, ജലീല്‍ മാസ്റ്റര്‍, അബ്ദുല്ല അല്‍ ഖാസിമി, സയ്യിദ് സലീംകോയ തങ്ങള്‍, എസ്.വൈ.എസ് ജില്ലാ വൈസ് പ്രസിഡന്റ് അബ്ദുല്‍ഖാദര്‍ ഫൈസി കുന്നുംപുറം തുടങ്ങിയവര്‍ സംബന്ധിക്കും.