മുതുകുളം: കോടയും വാറ്റുപകരണങ്ങളുമായി രണ്ട് പേര്‍ അറസ്റ്റില്‍ കണ്ടല്ലൂര്‍ പുതിയവിള വടക്ക് പുത്തന്‍വീട്ടില്‍ ദീപു(28), മാവേലിക്കര പെരിങ്ങാല ,പുതിയകാവ് മഹേഷ്ഭവനത്തില്‍ മഹേഷ്(32) എന്നിവരെയാണ് ഇന്നലെ ഉച്ചയോടെ ആറാട്ടുപുഴ കിഴക്കേക്കര കവിഞ്ചേരി പ്രദേശത്ത് നിന്ന് കാര്‍ത്തികപ്പള്ളി എക്‌സൈസ് സംഘം പിടികൂടിയത്.ഇവരില്‍ നിന്നും 385 ലിറ്റര്‍ കോടയും വാറ്റുപകരണങ്ങളും ചാരായവും കണ്ടെടുത്തു.
ക്രിസ്തുമസ് പുതുവത്സര ആഘോഷങ്ങളെ തുടര്‍ന്ന് എക്‌സൈസിന്റെ സ്‌പെഷ്യല്‍ ഡ്രൈവുമായി ബന്ധപ്പെട്ടാണ് കാര്‍ത്തികപ്പള്ളി റേഞ്ചിന്റെ വിവിധ ഭാഗങ്ങളില്‍ റെയ്ഡ് നടത്തിയത്. റേഞ്ച് ഇന്‍സ്‌പെക്ടര്‍ എസ്.മധുസൂദനന്‍ പിളളയുടെ നേതൃത്വത്തില്‍ നടത്തിയ റെയ്ഡില്‍ അസി. എക്‌സൈസ് ഇന്‍സ്‌പെക്ടര്‍ എസ്. രാധാകൃഷ്ണന്‍ പ്രിവന്റീവ് ഓഫീസര്‍ ആര്‍.അശോകന്‍,സിവില്‍ എക്‌സൈസ് ഓഫീസര്‍മാരായ അംബികേശന്‍ ,പി.ആര്‍.വിനോദ്, രാജേഷ് കുമാര്‍, ജി.ജയകൃഷ്ണന്‍,സജീവ്കുമാര്‍ എന്നിവരും പങ്കെടുത്തു.