ചേര്‍ത്തല: ഇലക്ട്രിക്ക് സ്‌കൂട്ടറില്‍ സഞ്ചരിച്ച് ആവശ്യക്കാര്‍ക്ക് വിദേശമദ്യം എത്തിച്ചിരുന്നയാളെ എക്‌സൈസ് അറസ്റ്റ് ചെയ്തു. ചെറുവാരണം മുറിയില്‍ ചെട്ടിയാഴത്ത് ടി.ചന്ദ്രനെ(58)യാണ് ചേര്‍ത്തല എക്‌സൈസ് പോറ്റിക്കവലയില്‍ നിന്നും പിടികൂടിയത്. ഇയാളില്‍ നിന്ന് 19 കുപ്പി ഇന്ത്യന്‍ നിര്‍മ്മിത വിദേശമദ്യവും സ്‌കൂട്ടറും പിടിച്ചെടുത്തു. ചേര്‍ത്തല എക്‌സൈസ് ഇന്‍സ്‌പെക്ടര്‍ ഇ.എസ്.ജസ്റ്റിന്റെ നേതൃത്വത്തിലുള്ള എക്‌സൈസ് സംഘമാണ് പ്രതിയെ പിടികൂടിയത്.