മൂന്നാര്‍: വാഹപകടത്തില്‍ പൊലിസുകാരന് ഗുരുതരമായി പരിക്കേറ്റു. ദേവികുളം സ്റ്റേഷനിലെ ബീറ്റ് ഓഫിസര്‍ ആര്‍. ബിനു (42) നാണ് ബൈക്ക് അപകടത്തില്‍ പരുക്കേറ്റത്.
വ്യാഴാഴ്ച ഉച്ചയ്ക്ക് ദേവികുളത്തുനിന്നും സൈലന്റുവാലിയിലേക്ക് ഡ്യുട്ടിയുടെ ഭാഗമായി ബൈക്കില്‍പോകവെ ഓഡിക്ക ഡിവിഷനില്‍വെച്ച് എതിരേവന്ന ലോറി ഇടിക്കുകയായിരുന്നു.
കൈയ്ക്ക് ഗുരുതരമായി പരുക്കേറ്റ ഇദ്ദേഹത്തെ തൊഴിലാളികളാണ് മൂന്നാര്‍ ജനറല്‍ ആശുപത്രിയില്‍ എത്തിച്ചത്. പ്രാഥമിക ചികില്‍സ നല്‍കിതിനുശേഷം കോട്ടയം മെഡിക്കള്‍ കോളജിലേക്ക് കൊണ്ടുപോയി.