കാഞ്ഞിരംകുളം: 13കാരിയെ പീഡിപ്പിച്ച കേസില്‍ യുവാവിനെ കാഞ്ഞിരംകുളം പൊലിസ് അറസ്റ്റ് ചെയ്തു.
കാഞ്ഞിരംകുളം വില്ലേജില്‍ ആശാന്‍വിള പ്ലാവിള ലക്ഷംവീട് കോളനിയില്‍ കുമാര്‍ എന്നു വിളിയ്ക്കുന്ന കുഞ്ഞുമോന്റെ മകന്‍ അനില്‍കുമാറിനെ (22) ആണ് ഇന്നലെ പൊലീസ് അറസ്റ്റ് ചെയ്തത്. കാഞ്ഞിരംകുളം സ്വദേശിനിയായ പെണ്‍കുട്ടിയെ ഇയാള്‍ ദിവസങ്ങളായി പീഡിപ്പിച്ചു വരികയായിരുന്നതായി പൊലീസ് പറഞ്ഞു. പെണ്‍കുട്ടിയുടെ വീട്ടുകാര്‍ പൊലിസില്‍ നല്‍കിയ പരാതിയുടെ അടിസ്ഥാനത്തിലാണ് അനില്‍കുമാറിനെ അറസ്റ്റ് ചെയ്തത്. പ്രതിയെ ഇന്നലെ കോടതിയില്‍ ഹാജരാക്കുമെന്ന് പൊലീസ് അറിയിച്ചു.