കിഴിശ്ശേരി: ചുള്ളിക്കോട് കരിങ്കല്‍ ക്വാറിയുടെ പരിസരത്ത് ലഹരി ഉപയോഗിച്ചുകൊണ്ടിരുന്ന മൂന്ന് വിദ്യാര്‍ഥികളെ നാട്ടുകാര്‍ കൈയോടെ പിടികൂടി പൊലിസില്‍ ഏല്‍പ്പിച്ചു. പത്തിലും പ്ലസ്ടുവിലും പഠിക്കുന്ന മൊറയൂര്‍ ഞരവത്ത്, കിഴിശ്ശേരി ടീച്ചര്‍ പടി, ചുള്ളിക്കോട് എന്നീ പ്രദേശത്തെ വിദ്യാര്‍ഥികളാണ് പിടിയിലായത്. ഇവര്‍ വന്ന വാഹനവും പൊലിസ് കസ്റ്റഡിയിലെടുത്തു.
തവനൂര്‍ ഒന്നാംമൈല്‍ ഹാജിയാര്‍ പടിയിലുള്ള വ്യക്തിയാണ് ഇവര്‍ക്ക് സാധനങ്ങള്‍ നല്‍കുന്നത്. മാസങ്ങള്‍ക്കു മുമ്പ് തൃപ്പനച്ചി സ്‌കൂള്‍ പടിയില്‍ ലഹരി ഉപയോഗിച്ച് വാഹനമോടിച്ച് രണ്ട് വിദ്യാര്‍ഥികള്‍ അപകടത്തില്‍പ്പെട്ടിരുന്നു. ലഹരി വില്‍പനയില്‍ ഇവരെ സഹായികളായ നാലു പേര്‍ ഓടി രക്ഷപ്പെടുകയായിരുന്നു.