മലപ്പുറം: സുന്നി മഹല്ല് ഫെഡറേഷന്‍ സംസ്ഥാനകമ്മിറ്റിക്ക് കീഴില്‍ നടന്നുവരുന്ന പാരന്റിങ് സ്‌കൂളിന്റെ ജില്ലാതല ഉദ്ഘാടനം 27 ന് രാവിലെ പത്തിന് പാണക്കാട് സയ്യിദ് റശീദലി ശിഹാബ് തങ്ങള്‍ നിര്‍വഹിക്കും. തിരൂര്‍ വെട്ടം കാരാട്ടുകടവ് ഹിദായത്തുസ്സിബ്‌യാന്‍ ബ്രാഞ്ച് മദ്‌റസയില്‍ നടക്കുന്ന പരിപാടിയില്‍ കോഴിക്കോട് ഖാസി സയ്യിദ് മുഹമ്മദ് കോയതങ്ങള്‍ ജമലുല്ലൈലി അധ്യക്ഷനാകും. ഇസ്‌ലാമികതത്വങ്ങള്‍ ഉള്‍കൊണ്ട് കൊണ്ടും മന:ശാസ്ത്ര രീതികളിലൂടെയുമുള്ള രക്ഷാകര്‍തൃത്വം പരിശീലിപ്പിച്ച് സംസ്‌കാരസമ്പന്നരും ക്രിയാത്മകരുമായ ഭാവി തലമുറയെ വാര്‍ത്തെടുക്കുകയെന്ന ലക്ഷ്യത്തോടെ നടത്തുന്ന പാരന്‍ഡിങ് സ്‌കൂള്‍ ജില്ലയിലെ മുഴുവന്‍ മഹല്ലുകളിലും മദ്‌റസകള്‍ കേന്ദ്രീകരിച്ച് നടപ്പിലാക്കും.