പാലക്കാട്: ഭാരതപ്പുഴ സംരക്ഷണ സമിതി സ്ഥാപക സെക്രട്ടറിയും മുതിര്‍ന്ന പരിസ്ഥിതി പ്രവര്‍ത്തകനുമായ ഇന്ത്യനൂര്‍ ഗോപി മാസ്റ്ററുടെ ഒന്നാം ചരമ വാര്‍ഷികത്തില്‍ അടക്കാപുത്തൂര്‍ ഹൈസ്‌കൂളില്‍ നാളെ അനുസ്മരണ സമ്മേളനവും സ്മാരക പ്രഭഷണവും സംഘടിപ്പിക്കുന്നു. നര്‍മദ സമര നേതാവ് മേധാപട്ക്കര്‍, മുന്‍ മന്ത്രി എം.എ. ബേബി പ്രഭാഷണം നടത്തും. എം.ബി. രാജേഷ്. എം.പി അധ്യക്ഷനാകും. സി.ആര്‍. നീലകണ്ഠന്‍, കെ.പി. സുരേഷ്‌രാജ്, എന്‍.എന്‍. കൃഷ്ണദാസ്, എം. എല്‍.എ.മാരായ വി.ടി. ബല്‍റാം, പി. കെ. ശശി, മുന്‍ എം.എല്‍.എ സി. പി. മുഹമ്മദ്, ഡോ. എസ്.ഫൈസി, പ്രൊഫ. കുസുമം ജോസഫ്, ഡോ. ഇ. ഉണ്ണിക്കൃഷ്ണന്‍ സംസാരിക്കും.
ഉച്ചക്ക് ശേഷം നടക്കുന്ന അനുസ്മരണ സമ്മേളനം. മുന്‍ മന്ത്രി. വി.സി. കബീര്‍ ഉദ്ഘാടനം ചെയ്യും. ഗോപി മാഷുടെ അടുത്ത സഹപ്രവര്‍ത്തകരായ ഡോ. പി.എസ്. പണിക്കര്‍, വിളയോടി വേണുഗോപാല്‍ പങ്കെടുക്കും. ഗോപി മാസ്റ്ററുടെ പേരില്‍ സാങ്കേതിക വിദ്യക്കും പരിസ്ഥിതിക്കുമായുള്ള സംഘടനക്കും രൂപം നല്‍കിയിട്ടുണ്ട്.
ഇന്ത്യനൂര്‍ ഗോപി നോണ്‍ ഫോര്‍മല്‍ ഇനിഷ്യറ്റീവ് ഫോര്‍ ടെക്‌നോളജി ആന്‍ഡ് എന്‍വിയോണ്‍മെന്റിന്റെ പ്രവര്‍ത്തനവും ആരംഭിക്കുമെന്ന് ഗോപിമാസ്റ്ററുടെ മകന്‍ നിരജ്ഞന്‍ അറിയിച്ചു.