ഷിമോഗ: കേരളവും ഗോവയും തമ്മിലുള്ള വിജയ് മര്‍ച്ചന്റ് ട്രോഫി അണ്ടര്‍ 16 പോരാട്ടം സമനിലയില്‍ അവസാനിച്ചു. ആദ്യ ഇന്നിങ്‌സില്‍ കേരളം 177 റണ്‍സെടുത്തപ്പോള്‍ ഗോവ 253 റണ്‍സെടുത്തു 76 റണ്‍സിന്റെ ലീഡ് സ്വന്തമാക്കി. രണ്ടാമിന്നിങ്‌സില്‍ കേരളത്തിന്റെ പോരാട്ടം 212 റണ്‍സില്‍ അവസാനിച്ചു. 137  റണ്‍സ് വിജയ ലക്ഷ്യവുമായി ബാറ്റിങ് തുടങ്ങിയ ഗോവയുടെ പോരാട്ടം രണ്ടു വിക്കറ്റ് നഷ്ടത്തില്‍ 39 റണ്‍സില്‍ നില്‍ക്കേ സമനിലയില്‍ പിരിയുകയായിരുന്നു. ആദ്യ ഇന്നിങ്‌സിലെ ലീഡിന്റെ ബലത്തില്‍ ഗോവയ്ക്ക് മൂന്നു  പോയിന്റും കേരളത്തിനു ഒരു പോയിന്റും.