പാലക്കാട്: കേന്ദ്ര സാംസ്‌കാരിക മണ്ഡലത്തിന്റെ സഹകരണത്തോടെ നവരംഗ് സംഘടിപ്പിക്കുന്ന നാലാമത് കുട്ടികളുടെ ദേശീയ നാടകോത്സവത്തിന് 24ന് ചെമ്പൈ സംഗീത കോളജിലെ എം.ഡി രാമനാഥന്‍ ഹാളില്‍ തുടങ്ങും. 27വരെ നീണ്ടുനില്‍ക്കുന്ന നാടകോത്സവത്തില്‍ കേരളത്തിന് പുറമേ കര്‍ണ്ണാടക, ആന്ധ്രാപ്രദേശ്, ബംഗാള്‍ സംസ്ഥാനങ്ങളില്‍ നിന്ന് കൂടി എത്തിച്ചേരുന്ന എട്ട് നാടകങ്ങള്‍ അവതരിപ്പിക്കും.
കര്‍ണ്ണാടകത്തിലെ പ്രശസ്ത നാടക സംവിധായകന്‍ കെ.ജി കൃഷ്ണമൂര്‍ത്തി നാടകോത്സവം ഉദ്ഘാടനം ചെയ്യും. തുടര്‍ന്ന് കെ.ജി മഞ്ജുനാഥ് സംവിധാനം ചെയ്ത 'യക്ഷഗാന' നാടകം കിന്നരമേള, തുമരി അവതരിപ്പിക്കും. തുടര്‍ന്ന് തൃശ്ശൂര്‍ നിലം കുട്ടികളുടെ നാടകവേദി 'മറിമരുന്ന്' നാടകം അവതരിപ്പിക്കും.