പേരൂര്‍ക്കട: മാതാവിനെ ആക്രമിച്ച് പരിക്കേല്‍പ്പിച്ച മകനെ വട്ടിയൂര്‍ക്കാവ് പൊലിസ് കസ്റ്റഡിയിലെടുത്തു. കൊടുങ്ങാനൂര്‍ കലാഗ്രാമം ഹൗസ് നമ്പര്‍ 132 രാഗസുധയില്‍ രവീന്ദ്രന്‍ ആണ് കസ്റ്റഡിയിലുള്ളത്. മാതാവ് അംബുജാക്ഷി (89) മകന്റെ ക്രൂരമായ ആക്രമണത്തില്‍ പരുക്കേറ്റ് പേരൂര്‍ക്കട ഗവ. ജില്ലാ ആശുപത്രിയില്‍ പ്രവേശിപ്പിച്ച് ശേഷം മെഡിക്കല്‍ കോളജിലേക്ക് കൊണ്ടുപോയി. ഇവര്‍ക്ക് 10 മക്കളാണ്. ഇന്നലെ രാവിലെയായിരുന്നു സംഭവം.
മാതാവുമായി വഴക്കിട്ട രവീന്ദ്രന്റെ ഇവരെ ശരീരമാസകലം മര്‍ദിക്കുകയും മുഖത്തടിക്കുകയും ചെയ്യുകയായിരുന്നു. നാട്ടുകാര്‍ നല്‍കിയ പരാതിയുടെ അടിസ്ഥാനത്തിലാണ് വട്ടിയൂര്‍ക്കാവ് പൊലിസ് രവീന്ദ്രനെ കസ്റ്റഡിയിലെടുത്തത്. ബന്ധുക്കള്‍ ആരെങ്കിലും പരാതി നല്‍കുകയാണെങ്കില്‍ ഇയാള്‍ക്കെതിരേ കേസെടുക്കും.