കണ്ണൂര്‍: അല്‍ മശ്ഹൂര്‍ ഫൗണ്ടേഷന്‍ ആഭിമുഖ്യത്തില്‍ നടന്നുവരുന്ന മദ്ഹുറസൂല്‍ പ്രഭാഷണ പരിപാടിയില്‍ ഇന്ന് ഹാഫിള് കാഞ്ഞാര്‍ അഹമദ് കബീര്‍ ബാഖവി, കീച്ചേരി അബ്ദുല്‍ ഗഫൂര്‍ മൗലവി എന്നിവര്‍ പങ്കെടുക്കും. രാവിലെ ഒമ്പതിന് താണ ബൈത്തുല്‍ ബല്‍ഖീസിലാണ് പരിപാടി. പ്രഭാഷണ പരമ്പരയുടെ ഉദ്ഘാടനം അഡ്വ. സയ്യിദ് നിസാര്‍ അല്‍ മശ്ഹൂര്‍ നിര്‍വഹിച്ചു. മശ്ഹൂര്‍ ഫൗണ്ടേഷന്‍ ചെയര്‍മാന്‍ സയ്യിദ് അസ്‌ലം തങ്ങള്‍ അല്‍ മശ്ഹൂറിന്റെ അധ്യക്ഷനായി. മുസ്തഫ ഹുദവി ആക്കോട്, ഹാഫിള് അബൂബക്കര്‍ നിസാമി മലേഷ്യ പ്രഭാഷണം നടത്തി. ഡോ. ഗാലിബ് അല്‍ മശ്ഹൂര്‍, ഹാഫിള് അബ്ദുറഹ്മാന്‍ ഹാനി, ഡോ. സയ്യിദ് ബര്‍കിയ, സയ്യിദ് ഇല്യാസ് തങ്ങള്‍, സയ്യിദ് ഹാശിം തങ്ങള്‍, കെ.കെ. അബ്ദുല്ല ഹാജി, മുസ്തഫ അസ്ഹരി, സാബിത്ത് ചെമ്പിലോട്, പി. ഹാരിഫ് ഹാജി, ഹാരിസ് പള്ളിപ്പുഴ, ഇബ്രാഹിം മൗലവി മടക്കിമല, കബീര്‍ കണ്ണാടിപ്പറമ്പ് സംസാരിച്ചു.