പയ്യന്നൂര്‍: വീട്ടിലെ കൂട് തകര്‍ത്ത് എട്ടു മുയലുകളെ തെരുവുനായ്ക്കള്‍ കടിച്ചുകൊന്നു. വെള്ളൂര്‍ രാമന്‍കുളത്തിനു സമീപത്തെ പി ദാമോദരന്റെ മുയലുകളെയാണ് കഴിഞ്ഞ ദിവസം രാത്രി നായ്ക്കള്‍ കൊന്നത്. കൂടിന്റെ കമ്പിവേലി കടിച്ച് മുറിച്ചാണ് നായ്ക്കള്‍ മുയലുകളെ അക്രമിച്ചത്. ഇന്നലെ രാവിലെ വീട്ടുകാര്‍ നോക്കിയപ്പോള്‍ മുയലുകളെ ചത്ത നിലയില്‍ കാണുകയായിരുന്നു. ഇവയിലൊന്ന് രണ്ടു ദിവസം മുമ്പ് പ്രസവിച്ചതാണ്. ഇതിലെ കുഞ്ഞുങ്ങളെ വീട്ടിനുള്ളിലേക്ക് മാറ്റിയിരുന്നതിനാല്‍ അവ രക്ഷപ്പെട്ടു.