ബ്രിസ്‌ബെയ്ന്‍: പാകിസ്താനെതിരായ ഒന്നാം ക്രിക്കറ്റ് ടെസ്റ്റില്‍ ആസ്‌ത്രേലിയക്ക് വിജയ പ്രതീക്ഷ. ആദ്യ ഇന്നിങ്‌സില്‍ ആസ്‌ത്രേലിയ 429 റണ്‍സെന്ന മികച്ച സ്‌കോര്‍ സ്വന്തമാക്കിയപ്പോള്‍ പാക് പോരാട്ടം 142 റണ്‍സില്‍ അവസാനിച്ചു.
287 റണ്‍സ് ലീഡുമായി രണ്ടാമിന്നിങ്‌സ് തുടങ്ങിയ ഓസീസ് അഞ്ചു വിക്കറ്റ് നഷ്ടത്തില്‍ 202 റണ്‍സെടുത്ത് ഡിക്ലയര്‍ ചെയ്ത് പാകിസ്താനു 490 റണ്‍സിന്റെ വിജയ ലക്ഷ്യം നല്‍കി. രണ്ടാം ഇന്നിങ്‌സ് തുടങ്ങിയ പാകിസ്താന്‍ മൂന്നാം ദിനം കളി നിര്‍ത്തുമ്പോള്‍ രണ്ടു വിക്കറ്റ് നഷ്ടത്തില്‍ 70 റണ്‍സെന്ന നിലയില്‍. എട്ടു വിക്കറ്റുകള്‍ കൈയിലിരിക്കേ പാകിസ്താന്‍ വിജയിക്കാന്‍ 420 റണ്‍സ് കൂടി വേണം.