കാസര്‍കോട്: അടുത്ത മാസം 12 മുതല്‍ 14 വരെ അബൂദബിയില്‍ സംഘടിപ്പിക്കുന്ന അന്തര്‍ദേശീയ കോണ്‍ഫറന്‍സിലേക്ക് കാസര്‍കോട് സ്വദേശിയായ ഡോ. ഇസ്മാഈല്‍ ശിഹാബുദ്ധീന്‍ തളങ്കരയെ തിരഞ്ഞെടുത്തു.
മനോരോഗ പുനരധിവാസ ചികിത്സാ വിദഗ്ധനും ഗവേഷകനുമായ ഇദ്ദേഹത്തിനു ഇതിനു മുന്‍പും നിരവധി ദേശീയ അന്തര്‍ദേശീയ പുരസ്‌കാരങ്ങള്‍ ലഭിച്ചിട്ടുണ്ട്. ഗള്‍ഫ് നാടുകളിലെ മനോരോഗ പുനരധിവാസ ചികിത്സാ രീതിയെ എങ്ങനെ വികസിപ്പിച്ചെടുക്കാം എന്നവിഷയത്തെ കുറിച്ചാണ് അവതരണം നടത്തുക.
നേരത്തെ പാന്‍ അറബ് സൈക്യാട്രി കോണ്‍ഫറന്‍സില്‍ പ്രബന്ധം അവതരിപ്പിച്ചിരുന്നു. യേനെപ്പൊയ യൂനിവേഴ്‌സിറ്റി മെഡിക്കല്‍ കോളജില്‍ അധ്യാപകനും ലോക മനോരോഗ പുനരധിവാസ സൊസൈറ്റിയുടെ ലൈഫ് ഫെല്ലോ കൂടിയാണ്.