ന്യൂയോര്‍ക്ക്: ലോകത്തെ ഏറ്റവും പ്രചാരത്തിലുള്ള കിക്ക്ആസ് ടോറന്റ് സൈറ്റ് വീണ്ടും പ്രവര്‍ത്തനം ആരംഭിക്കുമെന്ന് സൈറ്റ് സ്ഥാപകന്‍ അര്‍ട്ടം വോളിന്‍. സിനിമകളും ഗാനങ്ങളും ടോറന്റിലൂടെ ഡൗണ്‍ലോഡ് ചെയ്യാന്‍ കഴിയും. എല്ലാ രാജ്യങ്ങളിലുമുള്ള പൊലിസിനും ആന്റിപൈറസി വിഭാഗത്തിനും തലവേദനയായാണ് സൈറ്റ് വീണ്ടുമെത്തുന്നത്. ആര്‍ട്ടം വോളിനെ കഴിഞ്ഞ ജൂലൈയില്‍ അറസ്റ്റ് ചെയ്യുകയും സൈറ്റ് പൊലിസ് പൂട്ടിക്കുകയും ചെയ്തിരുന്നു.
ഇതേപേരില്‍ നിരവധി സൈറ്റുകള്‍ വന്നെങ്കിലും പൂര്‍ണതോതിലുള്ള പ്രവര്‍ത്തനം ലഭിച്ചില്ല. സൈറ്റിന്റെ ഒറിജിനല്‍ സ്റ്റാഫും അഡ്മിനുകളുമാണ് സൈറ്റിന്റെ ഒറിജിനല്‍ വെര്‍ഷന്‍ വീണ്ടും ലഭ്യമാക്കുന്നത്. യുട്യൂബ് മാതൃകയിലാണ് പുതിയ സൈറ്റ് വരുന്നതെന്നും കോപ്പിറൈറ്റ് ഇല്ലാത്തവ പ്രചരിപ്പിക്കില്ലെന്നും അധികൃതര്‍ പറഞ്ഞു