ജക്കാര്‍ത്ത: ഇന്തോനേഷ്യന്‍ എയര്‍ഫോഴ്‌സിന്റെ വിമാനം തകര്‍ന്ന് 11  പേര്‍ മരിച്ചു. പൈലറ്റും 10 സൈനികരുമാണ് മരിച്ചതെന്ന് സൈനിക വൃത്തങ്ങള്‍ സ്ഥിരീകരിച്ചു. ഹെര്‍കുലിസ് സി-130 വിഭാഗത്തില്‍പ്പെട്ട വിമാനമാണ് പാപ്പുവ പ്രവിശ്യയില്‍ തകര്‍ന്നത്. തിമികയില്‍ നിന്ന് വാമേനയിലേക്ക് ഭക്ഷണസാധങ്ങളുമായി പുറപ്പെട്ട വിമാനമാണ് അപകടത്തില്‍പ്പെട്ടത്. ഞായറാഴ്ച പുലര്‍ച്ചെയായിരുന്നു അപകടം.
വിമാനം ഇറങ്ങാന്‍ മിനുട്ടുകള്‍ ശേഷിക്കേ റഡാറില്‍ നിന്ന് അപ്രത്യക്ഷമാകുകയായിരുന്നു. 2015 ല്‍ ഇന്തോനേഷ്യയില്‍ ഇതേ വിഭാഗത്തിലുള്ള വിമാനം തകര്‍ന്ന് 12 ജീവനക്കാരും 109 യാത്രക്കാരും മറ്റ് 22 പേരും കൊല്ലപ്പെട്ടിരുന്നു.