കാട്ടാക്കട: പൂന്നാംകരിക്കകം ജങ്ഷന് സമീപം നിയന്ത്രണംവിട്ട കാര്‍ കടയിലേക്ക് ഇടിച്ചുകയറി ഒരാള്‍ക്ക് പരുക്ക്. ഇന്നലെ വൈകിട്ട് നാലുമണിയോടെയായിരുന്നു അപകടം. കാര്‍ ഇടിച്ചു കടയുടമ വിക്രമന്‍(60)നാണ് പരുക്കേറ്റത്. വിക്രമനെ കാട്ടാക്കട സ്വകാര്യ ആസ്പത്രിയില്‍ പ്രവേശിപ്പിച്ചു. പൂവച്ചല്‍ നിന്നും കാട്ടാക്കട ഭാഗത്തേയ്ക്ക് വന്ന കാര്‍ നിയന്ത്രണം വിട്ട് കടയുടെ മുന്‍വശത്ത് പാര്‍ക്ക് ചെയ്തിരുന്ന ബൈക്കും തകര്‍ത്താണ് കടയിലേക്ക് ഇടിച്ചു കയറിയത്. ഈസമയം അധികം ആളുകള്‍ ഇല്ലാതിരുന്നതിനാല്‍ മറ്റു അനിഷ്ട സംഭവങ്ങള്‍ ഉണ്ടായില്ല. കാര്‍ ഡ്രൈവര്‍ പരുക്കില്ലാതെ രക്ഷപ്പെട്ടു. കാട്ടാക്കട പൊലിസ് കേസ് രജിസ്റ്റര്‍ ചെയ്തു.