യോകോഹാമ: ഹാട്രിക്ക് ഗോളുകളുമായി സൂപ്പര്‍ താരം ക്രിസ്റ്റ്യാനോ റൊണാള്‍ഡോ നിറഞ്ഞാടിയപ്പോള്‍ ഫിഫ ക്ലബ് ലോകകപ്പ് കിരീടം സ്പാനിഷ് കരുത്തരായ റയല്‍ മാഡ്രിഡിന്. ജപ്പാനീസ് ടീം കഷിമ അന്റലേര്‍സിനെ 4-2നു പരാജയപ്പെടുത്തിയാണ് റയല്‍ ചാംപ്യന്‍മാരായത്.
കളി 90 മിനുട്ടുകള്‍ പിന്നിട്ടപ്പോള്‍ 2-2 എന്ന നിലയില്‍ സമനിലയില്‍ പിരിഞ്ഞു. പിന്നീട് അധിക സമയത്താണ് രണ്ടു ഗോളുകള്‍ അടിച്ച് റയല്‍ വിജയം പിടിച്ചത്. ഒന്‍പതാം മിനുട്ടില്‍ കരിം ബെന്‍സമയിലൂടെ റയല്‍ ലീഡെടുത്തപ്പോള്‍ 44, 52 മിനുട്ടുകളില്‍ വല ചലിപ്പിച്ച് ജപ്പാന്‍ ടീം റയലിനെ ഞെട്ടിച്ചു. എന്നാല്‍ 60, 97, 104 മിനുട്ടുകളില്‍ വല കുലുക്കി ക്രിസ്റ്റ്യാനോ റയലിനെ ചാംപ്യന്‍ പട്ടത്തിലേക്ക് നയിക്കുകയായിരുന്നു.
റയലിന്റെ രണ്ടാം ലോകകപ്പ് നേട്ടമാണിത്. നേരത്തെ 2014ലാണ് ടീം ആദ്യമായി ലോക ചാംപ്യന്‍മാരായത്.

.