എരുമപ്പെട്ടി: കാടുവിട്ട് നാട് കാണാനിറങ്ങിയ വാനരന്മാര്‍ നാട്ടുകാര്‍ക്ക് ശല്യമാകുന്നു. എരുമപ്പെട്ടി പതിയാരം മേഖലയിലാണ് കുരങ്ങന്മാര്‍ കൂട്ടത്തോടെ നാടുകാണാനിറങ്ങിയത്. കാട്ടില്‍ ആവശ്യത്തിന് ഭക്ഷണവും വെള്ളവും ലഭിക്കാത്തതാണ് കുരങ്ങന്മാര്‍ നാട്ടിലേക്ക് ചേക്കേറാന്‍ കാരണം. കൂട്ടത്തോടെ നാട്ടിലെത്തിയ കുരങ്ങന്മാര്‍ പറമ്പുകളിലും മരങ്ങളിലും വീടുകളിലും സൈ്വരവിഹാരം നടത്തുകയാണ്.
വീടുകളില്‍ ഓടിളക്കി ഇറങ്ങിയാണ് ഇവ ഭക്ഷണ പദാര്‍ഥങ്ങള്‍ മോഷ്ടിക്കുന്നത്. പറമ്പുകളിലെ തെങ്ങില്‍ നിന്ന് കരിക്കുകളും തേങ്ങകളും ഇട്ട് ഭക്ഷിച്ചതിനു ശേഷം ബാക്കി വരുന്നവ ജനങ്ങള്‍ക്ക് നേരെ വലിച്ചെറിയുകയും ചെയ്യുന്നുണ്ട്.
കുട്ടികളേയും വഴിയാത്രക്കാരേയും ആക്രമിക്കുകയും വീടിനു വെളിയില്‍ വെക്കുന്ന സാധനങ്ങള്‍ പലതും എടുത്ത് കൊണ്ടുപോവുകയും ചെയ്യുന്നതായി നാട്ടുകാര്‍ പറയുന്നു.