തൊടുപുഴ: അന്യസംസ്ഥാന ചീട്ടുകളിസംഘം പിടിയിലായി. അന്യസംസ്ഥാന തൊഴിലാളികളായ ആറുപേരാണ് പിടിയിലായത്.ഇവരില്‍ നിന്നും 11800 രൂപ പിടിച്ചെടുത്തു.
ശനിയാഴ്ച രാത്രി 11നു തൊടുപുഴ ഷാഡോ പൊലിസിനു ലഭിച്ച രഹസ്യ വിവരത്തെ തുടര്‍ന്നാണ് പ്രതികള്‍ വലയിലായത്. കാഞ്ഞിരമറ്റം കവലയിലുള്ള ചാഴികാട്ട് ബില്‍ഡിംഗില്‍ നിന്നാണ് ചീട്ടുകളി സംഘത്തെ പിടികൂടിയത്.
അഡീഷണല്‍ എസ് ഐ കെപി ബാബു, ശിവപ്രസാദ്, എഎസ് ഐ ഷാനവാസ്, തൊടുപുഴ ഡിവൈഎസ്പിയുടെ ഷാഡോ  എസ് ഐ ടി ആര്‍ രാജന്‍,എഎസ് ഐ അശോകന്‍, അരുണ്‍, ഉണ്ണികൃഷണന്‍ എന്നിവരടങ്ങിയ സംഘമാണ് പ്രതികളെ പിടികൂടിയത്. പ്രതികളെ ജാമ്യത്തില്‍ വിട്ടയച്ചു.