ചങ്ങനാശേരി: ഫെഡറേഷന്‍ ഓഫ് സീനിയര്‍ സിറ്റിസണ്‍സ് അസോസിയേഷന്‍സ് സംസ്ഥാന സമ്മേളനം ചങ്ങനാശേരിയില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. 24ന് രാവിലെ 10ന് എസ്.ബി ഹൈസ്‌കൂള്‍ ഓഡിറ്റോറിയത്തില്‍ നടക്കുന്ന സമ്മേളനം ഡോ. സിറിയക് തോമസ് ഉദ്ഘാടനം ചെയ്യും. 11 മണിമുതല്‍ സംഘടനാസമ്മേളനവും ഭാരവാഹികളുടെ തെരഞ്ഞെടുപ്പും നടക്കും. അസോസിയേഷന്‍ ഭാരവാഹികളായ കെ. രാധാകൃഷ്ണന്‍നായര്‍, പ്രഫ. ഒ.എ. നൈനാന്‍, മറ്റപ്പള്ളി ശിവശങ്കരപ്പിളള, പി.ജി. സോമന്‍കുട്ടി, കെ.കെ. ശശികുമാര്‍, പ്രഫ. കെ.കെ. ജോണ്‍, സലിം മുല്ലശേരി, ഏബ്രഹാം എന്നിവര്‍ പത്രസമ്മേളനത്തില്‍ പരിപാടികള്‍ വിശദീകരിച്ചു.