വടകര: കീഴല്‍ ചെക്കോട്ടിബസാറില്‍ പുത്തന്‍പുരയില്‍ ഷഫീഖിന്റെ ഫാമിലെ കാടകളെ അജ്ഞാതജീവി കൂട്ടത്തോടെ കൊന്നൊടുക്കി. സ്വകാര്യവ്യക്തിയുടെ ഉടമസ്ഥതയിലുള്ള സ്ഥലത്തെ ഫാമിലുണ്ടായിരുന്ന അഞ്ഞൂറില്‍പരം കാടകളാണ് ചത്തത്. ഒന്നരമാസം മുന്‍പാണ് ഫാം തുടങ്ങിയത്. ഒന്നുപോലും ബാക്കിയില്ലാതെയാണ് കാടകളെ നശിപ്പിച്ചിരിക്കുന്നത്. ഏകദേശം ഒരുലക്ഷം രൂപ നഷ്ടം കണക്കാക്കുന്നു. വില്യാപ്പള്ളി വെറ്റിനറി ഹോസ്പിറ്റല്‍ ഡോക്ടര്‍ ഷൈനി കെ.ആര്‍ നമ്പീശന്‍, കൃഷി ഓഫിസര്‍, ജില്ലാ പഞ്ചായത്ത് മെമ്പര്‍ ആര്‍ ബാലറാം, വാര്‍ഡ് മെമ്പര്‍ പുത്തൂര്‍ പ്രദീപന്‍ സ്ഥലം സന്ദര്‍ശിച്ചു.