മനാമ : ബഹ്‌റൈനില്‍ സന്ദര്‍ശ ക വിസയിലെത്തിയ മലയാളി ഉറക്കത്തിനിടെ മരിച്ചു. കണ്ണൂര്‍ ജില്ലയിലെ താഴെ ചൊവ്വ സ്വദേസി ശ്രീകാന്ത് വി. ഗോവിന്ദന്‍ (49) ആണ് മരിച്ചത്.


നേരത്തെ യു.എ.യില്‍ ആയിരുന്ന ശ്രീകാന്ത് അവിടെ ജോലി ശരിയാവാത്തതിനെ തുടര്‍ന്നാണ് ബഹ്‌റൈനിലെ സുഹൃത്തിന്റെ അടുത്ത് വിസിറ്റ് വിസയിലെത്തിയത്.  

കുടുംബം നാട്ടിലാണുള്ളത്. കഴിഞ്ഞ ദിവസം രാത്രി ഉറങ്ങാന്‍ കിടന്നതായിരുന്നു. പുലര്‍ച്ചെ എഴുന്നേല്‍ക്കാതിരുന്നതിനെ തുടര്‍ന്ന് വിളിച്ചെഴുന്നേല്‍പ്പിക്കാന്‍ ശ്രമിച്ചപ്പോഴാണ് മരിച്ച നിലയില്‍ കണ്ടത്.

മൃതദേഹം സല്‍മാനിയ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. നിയമ നടപടികള്‍ പൂര്‍ത്തിയാക്കി അടുത്ത ദിവസം മൃതദേഹം നാട്ടിലേക്ക് കൊണ്ടുപോകും.