മണ്ണാര്‍ക്കാട്: പുതുയുഗത്തിലും ലളിത ജീവിതത്തിലൂടെ വിശ്വാസം മുറുകെ പിടിച്ച് പിന്‍മുറക്കാര്‍ക്ക് മാര്‍ഗ ദര്‍ശിയായി പ്രവര്‍ത്തിച്ച നിസ്വാര്‍ഥ പണ്ഡിതനായിരുന്നു കുമരംപുത്തൂര്‍ എ.പി മുഹമ്മദ് മുസ്‌ലിയാരെന്ന് പാണക്കാട് സയ്യിദ് അബ്ബാസലി ശിഹാബ് തങ്ങള്‍ പറഞ്ഞു. പാലക്കാട് സമസ്ത കോഓഡിനേഷന്‍ കമ്മിറ്റിയുടെ നേതൃത്വത്തില്‍ സംഘടിപ്പിച്ച അനുസ്മരണസമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ആത്മീയ രംഗത്തും അധ്യാപന രംഗത്തും അദ്ദേഹം ചെയ്ത സേവനങ്ങള്‍ അവിസ്മരണീയമാണ്. അച്ചടക്കത്തില്‍ വിട്ടുവീഴ്ചയില്ലാത്ത നിലപാടുകള്‍ സ്വീകരിച്ച എ.പി ഉസ്താദിന്റെ വിയോഗം നികത്താനാകാത്തതാണെന്നും അദ്ദേഹം അഭിപ്രായപ്പെട്ടു.
സമസ്ത കേരള ജംഇയ്യത്തുല്‍ മുഅല്ലിമീന്‍ സംസ്ഥാന പ്രസിഡന്റ് സി.കെ.എം സ്വാദിഖ് മുസ്‌ലിയാര്‍ അധ്യക്ഷനായി. പട്ടിക്കാട് ജാമിഅ നൂരിയ പ്രൊഫസര്‍ സുലൈമാന്‍ ഫൈസി ചുങ്കത്തറ അനുസ്മരണ പ്രഭാഷണം നടത്തി.സയ്യിദ് കെ.പി.സി തങ്ങള്‍ വല്ലപ്പുഴ, സയ്യിദ് പി.കെ ഇമ്പിച്ചിക്കോയ തങ്ങള്‍ പഴയ ലക്കിടി, എം.പി കുഞ്ഞിമുഹമ്മദ് മുസ്‌ലിയാര്‍ നെല്ലായ, ഇ. അലവി ഫൈസി കുളപ്പറമ്പ്, സി.പി ബാപ്പു മുസ്‌ലിയാര്‍, സി.മുഹമ്മദലി ഫൈസി, ടി.കെ മുഹമ്മദ്കുട്ടി ഫൈസി, സയ്യിദ് ശിഹാബുദ്ദീന്‍ തങ്ങള്‍, ജി.എം സ്വലാഹുദ്ദീന്‍ ഫൈസി, സി. മുഹമ്മദ് കുട്ടി ഫൈസി, വരവത്ത് അബ്ദുല്‍ കരീം മുസ്‌ലിയാര്‍, അബ്ദുറഹിമാന്‍ ജിഫ്‌രി തങ്ങള്‍, മുസ്തഫ അഷ്‌റഫി കക്കുപ്പടി, ഹബീബ് ഫൈസി കോട്ടോപ്പാടം, ടി.ടി ഉസ്മാന്‍ ഫൈസി, നിസാം ഫൈസി, ശമീര്‍ ഫൈസി കോട്ടോപ്പാടം, അന്‍വര്‍ സാദിഖ് ഫൈസി, റഹീം ഫൈസി, സുബൈര്‍ മൗലവി, കെ.പി.എ സമദ് മാസ്റ്റര്‍, വി.എ.സി കുട്ടി ഹാജി, ഖാദര്‍ ഫൈസി തലക്കശ്ശേരി, സംസം ബശീര്‍ പ്രസംഗിച്ചു. മുന്‍ എം.എല്‍.എ കളത്തില്‍ അബ്ദുല്ല, എന്‍.ഹംസ, അഡ്വ.ടി.എ സിദ്ദീഖ്, ടി.എ സലാം മാസ്റ്റര്‍, സി. മുഹമ്മദ് ബഷീര്‍, ബ്ലോക്ക് പഞ്ചായത്ത് പ്രസിഡന്റ് കെ.പി മൊയ്തു, അച്ചിപ്ര മൊയ്തു ഹാജി, അഷ്‌റഫ് ഫൈസി, തച്ചമ്പാറ ഇസാഫ് ആശുപത്രി മെഡിക്കല്‍ സൂപ്രണ്ട് ഡോ. റൈസല്‍ ചാക്കോ, മാനേജര്‍ അജീഷ് തോമസ് സംബന്ധിച്ചു.