ഒന്നാം സെമസ്റ്റര്‍ സി.ബി.സി.എസ് പരീക്ഷകളുടെ ഉത്തരക്കടലാസുകള്‍ കോളജുകളില്‍നിന്ന് ഡിസംബര്‍ 20 മുതല്‍ സര്‍വകലാശാലയുടെ കളക്ഷന്‍ ടീം നേരിട്ട് വാങ്ങുന്നതാണ്. ഉത്തരക്കടലാസ് കെട്ടുകളില്‍ ആബ്‌സന്റി സ്റ്റേറ്റ്‌മെന്റ്, ചോദ്യപേപ്പര്‍ കോഡ്, കോളജിന്റെ പേര്, സീല്‍ എന്നിവ ഉണ്ടാകണം. ക്യാംപില്‍ നേരിട്ട് എത്തിക്കേണ്ടതില്ല.

ഡിസംബര്‍ 23ന് അവസാനിക്കുന്ന ബി.ടെക് പരീക്ഷകളുടെ ഉത്തരക്കടലാസുകള്‍ ബന്ധപ്പെട്ട വാല്വേഷന്‍ ക്യാംപില്‍ 24-ാം തീയതി തന്നെ കോളജുകള്‍ എത്തിക്കണം.

പരീക്ഷാ പരിശീലനം

മഹാത്മാഗാന്ധി സര്‍വകലാശാലയിലുള്ള എംപ്ലോയ്‌മെന്റ് ഇന്‍ഫര്‍മേഷന്‍ ആന്റ് ഗൈഡന്‍സ് ബ്യൂറോയിലെ എല്‍.ഡി.ക്ലാര്‍ക്ക് പരീക്ഷാ പരിശീലന പരിപാടി ഇന്ന് (ഡിസംബര്‍ 20) ആരംഭിക്കും. രജിസ്റ്റര്‍ ചെയ്തിട്ടുള്ള ഉദ്യോഗാര്‍ഥികള്‍ രാവിലെ 9.45ന് സര്‍വകലാശാല ക്യാംപസിലുള്ള ഓഫീസില്‍ ഹാജരാകണം. ഫോണ്‍: 0481 2731025.