മുട്ടില്‍: ഗ്രാമപഞ്ചായത്തിലുള്ള മാനദണ്ഡം മറികടന്നുള്ള വയല്‍ നികത്തലും പൊതുസ്ഥലം കൈയേറി അനധികൃതമായി നടത്തുന്ന കെട്ടിട നിര്‍മാണവും തടയും. മുട്ടില്‍ ഗ്രാമപഞ്ചായത്ത് ഭരണ സമിതിയാണ് ഈ തീരുമാനമെടുത്തത്.
മുന്‍പു നല്‍കിയ കെട്ടിട അനുമതി സംബന്ധിച്ച് അന്വേഷണം നടത്തും. വീടിനായി അനുമതി വാങ്ങി വ്യാപാര ആവശ്യങ്ങള്‍ക്കായി കെട്ടിടങ്ങള്‍ നിര്‍മിക്കുന്നതു പരിശോധിക്കും. പരിസ്ഥിതി സംരക്ഷണത്തിന്റെ ഭാഗമായി മൂന്നടി വണ്ണത്തില്‍ താഴെയുള്ള മരങ്ങള്‍ മുറിക്കുന്നതു നിര്‍ത്തലാക്കുന്നതിനുമുള്ള നടപടി സ്വീകരിക്കാനും തീരുമാനിച്ചതായി പ്രസിഡന്റ് എ.എം നജീം അറിയിച്ചു.