മണ്ണഞ്ചേരി.സംസ്ഥാനത്തെ മഹല്ലുകളില്‍ മാറ്റത്തിന്റെ നാന്ദി കുറിക്കുന്ന ഇസ്്‌ലാമിക് പാരന്റിംഗ് കോഴ്‌സിന്റെ ജില്ലാതല ഉദ്ഘാടനം നാളെ പകല്‍ രണ്ടിന് മണ്ണേഞ്ചേരി രശ്മി ആഡിറ്റോറിയത്തില്‍ നടക്കും.
സുന്നി മഹല്ല് ഫെഡറേഷന്‍ ജില്ലാ പ്രസിഡന്റ് കുന്നപ്പള്ളി മജീദ് അധ്യക്ഷത വഹിക്കുന്ന സമ്മേളനത്തില്‍ എസ്.കെ.എസ്.എഫ് ജില്ലാ പ്രസിഡന്റ് അബ്ദുല്ല തങ്ങള്‍ ദാരിമി പ്രാര്‍ത്ഥനയും സുന്നി മഹല്ല് ഫെഡറേഷന്‍ സംസ്ഥാന കോര്‍ഡിനേറ്റര്‍ എ.കെ.ആലിപ്പറമ്പ് കോഴ്‌സിന്റെ ഉദ്ഘാടനവും നിര്‍വ്വഹിക്കും. സമസ്ത ജില്ലാ പ്രസിഡന്റ് സി.മുഹമ്മദ് അല്‍ ഖാസിമി ആമുഖ പ്രഭാഷണവും സുന്നി മഹല്ല് ഫെഡറേഷന്‍ സംസ്ഥാന ആര്‍.പി പി.സി.ഉമര്‍ മൗലവി വയനാട് വിഷയാവതരണവും നടത്തും.
സമസ്ത എറണാകുളം ജില്ലാ പ്രസിഡന്റ് ഐ.ബി.ഉസ്മാന്‍ ഫൈസി,സമസ്ത ആലപ്പഴ ജില്ലാ ജനറല്‍ സെക്രട്ടറി എം.എ.അബ്ദുല്‍ റഹിമാന്‍ അല്‍ ഖാസിമി, ജില്ലാ വര്‍ക്കിംഗ് സെക്രട്ടറി യു. മുഹമ്മദ് ഹനീഫ ബാഖവി, വിവിധ സംഘടനാ നേതാക്കളായ പി.എ.ശിഹാബുദ്ദീന്‍ മുസ് ലിയാര്‍, റ്റി.എച്ച്. ജഅഫര്‍ മൗലവി, നിസാമുദ്ദീന്‍ ഫൈസി, നിസാര്‍ പറമ്പന്‍, കമാല്‍ എം.മാക്കിയില്‍, ജബ്ബാര്‍ പനച്ചുവട്, എം.മുജീബ് റഹ്മാന്‍, ഷഫീഖ് മണ്ണഞ്ചേരി, റ്റി.എ.അഷറഫ് കുഞ്ഞാശാന്‍, മവാഹിബ് അരിപ്പുറം, ബഷീര്‍ അഹമ്മദ്, എസ്.മുഹമ്മദ് സാലിഹ് തെക്കേമുറി, ഹസീബ് മുസ്‌ലിയാര്‍, റ്റി.എ.അലിക്കുഞ്ഞാശാന്‍, അബ്ദുല്ലകുഞ്ഞ് കോര്യംപള്ളി, വാഹിദ് കായംകുളം, ഇഖ്ബാല്‍ നാലുതറ തുടങ്ങിയവര്‍ സംസാരിക്കും. 2017 മെയ് മാസത്തിനുള്ളില്‍ ജില്ലയിലെ വിവിധ മഹല്ലുകളില്‍ ഇസ്്‌ലാമിക് പാരന്റിംഗ് കോഴ്‌സിന് തുടക്കം കുറിക്കുമെന്ന് ഭാരവാഹികള്‍ അറിയിച്ചു.