ചെന്നൈ: തമിഴ്‌നാട്ടില്‍ അടുത്ത അഞ്ച് വര്‍ഷവും അമ്മയുടെ ഭരണം തുടരും. തമിഴ്‌നാട് മുഖ്യമന്ത്രിയായി ജയലളിത സത്യപ്രതിജ്ഞ ചെയ്ത് അധികാരത്തിലേറി. ആറാം തവണയാണ് ജയലളിത തമിഴ്‌നാട് മുഖ്യമന്ത്രിയാവുന്നത്. മദ്രാസ് സര്‍വകലാശാല സെന്റിനറി ഓഡിറ്റോറിയത്തില്‍ വച്ച് നടന്ന ചടങ്ങിലാണ് എ.ഐ.എ.ഡി.എം.കെ അധ്യക്ഷ കൂടിയായ ജയലളിത അധികാരമേറ്റത്.

ഗവര്‍ണര്‍ ഡോ. കെ റോസയ്യ സത്യവാചകം ചൊല്ലിക്കൊടുത്തു. ജയലളിതയുടെ കൂടെ 28 മന്ത്രിമാരും ഇന്ന് സത്യപ്രതിജ്ഞ ചെയ്തു. കഴിഞ്ഞ നിയമസഭ തെരഞ്ഞെടുപ്പില്‍ 232 സീറ്റില്‍ 134 സീറ്റ് നേടിയാണ് എ.ഐ.എ.ഡി.എം.കെ വീണ്ടും തമിഴ്‌നാട്ടില്‍ അധികാരത്തിലെത്തുന്നത്.