കോഴിക്കോട്: കോഴിക്കോട് മലാപ്പറമ്പ് എ.യു.പി സ്‌കൂള്‍ അടച്ചുപൂട്ടാനുള്ള നീക്കം നാട്ടുകാര്‍ ചേര്‍ന്ന് തടഞ്ഞു. സ്‌കൂള്‍ പൂട്ടാനുള്ള ഉത്തരവുമായി എ.ഇ.ഒ എത്തുമെന്ന വിവരത്തെതുടര്‍ന്ന് സ്‌കൂള്‍ സംരക്ഷണ സമിതി പ്രവര്‍ത്തകര്‍ സ്‌കൂളിലേക്ക് പ്രകടനവുമായെത്തി. തുടര്‍ന്ന് എ.ഇ.ഒയെ പ്രവര്‍ത്തകര്‍ ഉപരോധിച്ചു. ഇതിനിടെ പൊലിസും പ്രവര്‍ത്തകരും തമ്മില്‍ നേരിയ സംഘര്‍ഷമുണ്ടായി. നാട്ടുകാരുടെ പ്രതിഷേധത്തെതുര്‍ന്ന് എ.ഇ.ഒ സ്‌കൂളില്‍ നിന്ന് മടങ്ങി. സ്‌കൂള്‍ പൂട്ടരുതെന്ന് ഹൈക്കോടതി ഉത്തരവുണ്ടായിട്ടും സ്‌കൂള്‍ പൂട്ടാന്‍ മാനേജര്‍ മുതിര്‍ന്നതാണ് പ്രശ്‌നങ്ങള്‍ക്ക് കാരണം.