കൊണ്ടോട്ടി: മേലങ്ങാടി ജി.വി.എച്ച്.എസ്.എസ് അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിന്റെയും സ്‌കൂളിന്റെ 60ാം വാര്‍ഷികാഘോഷത്തിന്റെയും ഭാഗമായി പൂര്‍വവിദ്യാര്‍ഥി സംഗമം സംഘടിപ്പിച്ചു.
കൊണ്ടോട്ടി നഗരസഭാ ചെയര്‍മാന്‍ സി.കെ നാടിക്കുട്ടി ഉദ്ഘാടനം ചെയ്തു. മുനിസിപ്പല്‍ കൗണ്‍സിലര്‍മാര്‍, സാമൂഹ്യ, വ്യാവസായിക മേഖലകളിലെ വ്യക്തികള്‍, പൂര്‍വവിദ്യാര്‍ഥികള്‍, പൂര്‍വഅധ്യാപകര്‍ പങ്കെടുത്തു. ആദ്യ ബാച്ചുകളിലെ പൂര്‍വ വിദ്യാര്‍ഥികളെയും അധ്യാപകരെയും ചടങ്ങില്‍ ആദരിച്ചു.
കെ മുസ്തഫ കണ്‍വീനറായും ടി.പി മൂസക്കോയ ചെയര്‍മാനുമായി 40 അംഗപ്രവര്‍ത്തക സമിതിയെ തെരഞ്ഞെടുത്തു. ഇ.എം ബിച്ചു, സലീം പുതിയറക്കല്‍(വൈസ് ചെയര്‍മാന്‍), എ സാദിഖലി, ചുളളിയന്‍ നൗഷാദ് (ജോ.സെക്രട്ടറി). ഹൈക്കോടതി ജഡ്ജിയും സ്‌കൂളിലെ പൂര്‍വ വിദ്യാര്‍ഥിയുമായ പി ഉബൈദ് നേതൃത്വം നല്‍കുന്ന 20 അംഗ ഉപദേശകസമിതിയും രൂപീകരിച്ചു.