കോട്ടക്കല്‍: തിരൂരില്‍ നടക്കുന്ന 29 ാമത് മലപ്പുറം ജില്ലാ സ്‌കൂള്‍ കലോത്സവത്തിനുള്ള ലോഗോ പറപ്പൂര്‍ സ്വദേശിയായ ബാപ്പുട്ടിയുടെ കലയില്‍ വിരിഞ്ഞത്.
താമരയില്‍ വിരിയുന്ന കലാപ്രതിഭകള്‍ വിബ്ജിയോര്‍ കളറിലും നര്‍ത്തകി ദീപം തെളിയിച്ചും പുസ്തകത്താളുകളും തുഞ്ചന്‍ മഠവും തത്ത, പേന, കൊമ്പ്, ബ്രഷ്, കഥകളി രൂപം, ദഫ് എന്നിവയെല്ലാം ഉള്‍പ്പെടുന്നതാണ് കലോത്സവ ലോഗോ.
കഴിഞ്ഞ മാസം കാലിക്കറ്റ് യൂണിവേഴ്‌സിറ്റി ഗ്രൗണ്ടില്‍ നടന്ന സംസ്ഥാന സ്‌കൂള്‍ കായികമേളയുടെ ലോഗോ രൂപകല്‍പന ചെയ്തതും ബാപ്പുട്ടിതന്നെയായിരുന്നു. 18 വര്‍ഷമായി ഡിസൈനിങ് രംഗത്ത് ജോലി ചെയ്തുവരികയാണ് ഇദ്ദേഹം. ഡിസൈനിങ് പഠിപ്പിക്കുന്നതിനായി കോട്ടക്കലില്‍ കംപ്യൂട്ടര്‍ കോളജ് നടത്തുന്നുണ്ട്. സംസ്ഥാന കരാട്ടെ ചാംപ്യന്‍ഷിപ്പില്‍ പങ്കെടുത്ത് ആയോധന കലയിലും ബാപ്പുട്ടി കഴിവു തെളിയിച്ചു. റജീനയാണ് ഭാര്യ. മക്കള്‍ ഹാദില്‍, ഫിദില്‍.