പേരൂര്‍ക്കട: കുടപ്പനക്കുന്ന് സിവില്‍ സ്റ്റേഷന്‍ വളപ്പിലെ മാലിന്യ നിക്ഷേപ സ്ഥലത്ത് ഇനി പൂക്കള്‍ വിരിയും.ഇവിടെ മനോഹരമായ പൂന്തോട്ടമൊരുക്കാനുള്ള ശ്രമത്തിലാണ് കലക്ടറേറ്റ് റിക്രിയേഷന്‍ ക്ലബ് ഭാരവാഹികള്‍.
സിവില്‍ സ്റ്റേഷന്റെ പ്രവേശന കവാടത്തിന് ഇരുവശത്തുമാണ് പൂന്തോട്ടം നിര്‍മിക്കാനൊരുങ്ങുന്നത്. ഇവിടെ ചപ്പുചവറുകള്‍ നിക്ഷേപിക്കുന്നത് പതിവായിരുന്നു. പൂന്തോട്ടത്തിന് ആവശ്യമായ ചെടികള്‍ എത്തിച്ചു തുടങ്ങി.കവാടത്തിന്റെ ഒരുഭാഗം ഇതിനോടകം തന്നെ മനോഹരമാക്കിക്കഴിഞ്ഞു. പൂര്‍ണമായും റിക്രിയേഷന്‍ ക്ലബിന്റെ മേല്‍നോട്ടത്തിലാണ് പ്രവര്‍ത്തനങ്ങള്‍.