വെഞ്ഞാറമൂട്: എം.സി റോഡിനോട് ചേര്‍ന്ന് വെഞ്ഞാറമൂട് പൊലിസ് സ്‌റ്റേഷന് മുന്നിലെ ഓട ലോറികയറി തകര്‍ന്നു.
കമ്പികയറ്റിവന്ന ലോറി ശരിയായ രേഖകളുടെ അഭാവത്തില്‍ സെയില്‍സ് ടാക്‌സ് വിഭാഗം പിടികൂടി പൊലിസിന്് കൈമാറിയിരുന്നു. തുടര്‍ന്ന് വെഞ്ഞാറമൂട് പൊലിസ് ലോറി സ്റ്റേഷനു മുന്നില്‍ കൊണ്ടിടുന്നതിനിടെയാണ് ലോറിയുടെ ടയര്‍ കയറി ഓട തകര്‍ന്നത്. ഇതോടെ എം.സി റോഡില്‍ ഏറെ നേരം ഗതാഗതം സ്തംഭിക്കുകയും ചെയ്തു. പാങ്ങോട് സ്വദോശിയുടെ ഉടമസ്ഥതയിലുള്ള ലോറിയാണിത്.
തുടര്‍ന്ന് ലോഡ് മറ്റൊരു ലോറിയിലേക്ക് മാറ്റിയ ശേഷമാണ് ലോറിയെ തല്‍സ്ഥാനത്തു നിന്ന് നീക്കിയത്.