അമ്പലപ്പുഴ: ഭക്ഷ്യ ഭദ്രത നിയമം നടപ്പാക്കിയപ്പോള്‍ പുറത്തായ ഒരു കോടി 70 ലക്ഷം ജനങ്ങള്‍ക്ക് കുറഞ്ഞ നിരക്കില്‍ ഭക്ഷ്യധാന്യങ്ങള്‍ നല്‍കണമെന്ന് കേരള സ്റ്റേറ്റ് സിവില്‍ സപ്ലൈസ് ഓഫീസേഴ്‌സ് അസോസിയേഷന്‍ ജില്ലാ സമ്മേളനം ആവശ്യപ്പെട്ടു.
ഭക്ഷ്യ ഭദ്രത സിവില്‍ സപ്ലെസിലെ സംവിധാനങ്ങള്‍ ഉപയോഗിച്ച് നടപ്പാക്കണം . ഇതു മൂലമുണ്ടാകുന്ന തസ്തികകള്‍ വകുപ്പിന് തന്നെ അനുവദിക്കണം. സപ്ലൈകോ ഔട്ട് ലെറ്റുകളില്‍ സബ്‌സിഡി അരി ഉള്‍പ്പെടെയുള്ളവ ഉറപ്പ് വരുത്തണമെന്ന് സമ്മേളനം ആവശ്യപ്പെട്ടു.കോഴിക്കോട്ടു നടക്കുന്ന സംസ്ഥാന സമ്മേളനത്തില്‍ 50 പ്രതിനിധികളെ പങ്കെടുപ്പിക്കാനും സമ്മേളനം തീരുമാനിച്ചു.
സംസ്ഥാന പ്രസിഡന്റ് ജി. ഓമനക്കുട്ടന്‍ സമ്മേളനം ഉദ്ഘാടനം ചെയ്തു.
സംസ്ഥാന കൗണ്‍സിലംഗം കെ.ബി സാധുജന്‍ അധ്യക്ഷനായിരുന്നു. ഷാജി ,സിയാദ് ,സെലീന അനു തടങ്ങിയവര്‍ സംസാരിച്ചു.