അരൂര്‍: ഒന്നരകിലോ കഞ്ചാവുമായി രണ്ട് യുവാക്കള്‍ പിടിയില്‍.അരൂക്കുറ്റി പഞ്ചായത്തില്‍ സ്ഥിരതാമസക്കാരായ വെള്ളിവീട് തസ്‌ലിക്ക്(20),വടുതല തിരുനെല്‍വേലിപറമ്പില്‍ ആസിഫ് (19), എന്നിവരെയാണ് അരൂര്‍ പൊലീസ് എസ്.ഐ. ടി.എസ്. റെനീഷും സംഘവും പിടുകൂടിയത്.
പൊലീസിന് ലഭിച്ച രഹസ്യ വിവിരത്തേതുടര്‍ന്ന് അരൂര്‍ പള്ളി ബസ്സ് സ്‌റ്റോപ്പില്‍ നിന്നാണ് ബൈക്കിലെത്തിയ ഇവരെ പടികൂടിയത്. തമിഴ്‌നാട്ടില്‍നിന്ന് നേരിട്ട് പോയാണ് കഞ്ചാവ് വാങ്ങിയത്.12000 രൂപക്കാണ് ഒന്നരകിലോ കഞ്ചാവ് വാങ്ങിയതെന്ന് ഇവര്‍ പൊലിസിനോട് പറഞ്ഞു.ഇതില്‍ 200 ഗ്രാം കഞ്ചാവ് പതിനായിരം രൂപക്ക് വിറ്റിരുന്നു. 500 ഗ്രാമിന്റെ പൊതികളാക്കി വില്‍പ്പനക്കായാണ് കഞ്ചാവ് കൊണ്ടുവന്നത്. കഞ്ചാവ് വില്‍പനയിലെ ലാഭം കൂടുതല്‍ ചെറുപ്പക്കാരെ ഈ രംഗത്തേക്ക് കടന്നുവരുന്നതിന് പ്രേരണ നല്‍കുകയാണ്.