നെടുങ്കണ്ടം: ഏലത്തോട്ടത്തില്‍ പാകമാകാറായ കഞ്ചാവു ചെടികള്‍ കണ്ടെത്തി. ശാന്തന്‍പാറ പേത്തൊട്ടിയില്‍ ഒരേക്കര്‍ വിസ്തൃതിയുള്ള ഏലക്കാടിനു നടുവില്‍ കൃഷി ചെയ്ത കഞ്ചാവ് ചെടികളാണ് എക്‌സൈസ് സംഘം പിടികൂടിയത്.
നെടുങ്കണ്ടം എക്‌സൈസ് ഇന്‍സ്‌പെക്ടര്‍ക്കു ലഭിച്ച രഹസ്യ വിവരത്തെ തുടര്‍ന്ന് പരിശോധന നടത്തുകയായിരുന്നു. കേസില്‍ ആരുടെയും അറസ്റ്റ് രേഖപ്പെടുത്തിയിട്ടില്ല. പേത്തൊട്ടി രാമക്കാളയുടെ ഉടമസ്ഥതയിലുള്ള എസ്റ്റേറ്റാണിത്.
എക്‌സൈസ് ഇന്‍സ്‌പെക്ടര്‍ പ്രസാദ്, അസി. എക്‌സൈസ് ഇന്‍സ്‌പെക്ടര്‍ ഉണ്ണികൃഷ്ണന്‍, പ്രിവന്റീവ് എക്‌സൈസ് ഓഫിസര്‍ സതീഷ്‌കുമാര്‍, സിവില്‍ എക്‌സൈസ് ഓഫിസര്‍മാരായ ലിജോ ജോസഫ്, അനൂപ്, ജിന്‍സണ്‍, ജോഷി, ആസിഫ്അലി എന്നിവര്‍ പരിശോധനക്ക് നേതൃത്വം നല്‍കി.