ന്യൂഡല്‍ഹി: ഡല്‍ഹിയിലെ നജാഫ്ഗഡില്‍ വീടിനുമുന്നില്‍ വെച്ച് 17 കാരിയെ സുഹൃത്ത് വെടിവെച്ചു കൊന്നു. ഇന്നലെ വൈകീട്ട് 7.30 ഓടെയായിരുന്നു സംഭവം.

പെണ്‍കുട്ടിയുടെ അമ്മ നോക്കി നില്‍ക്കെയാണ് സംഭവം നടന്നത്. രണ്ട് സുഹൃത്തുക്കളുമായി പുറത്തുപോയ പെണ്‍കുട്ടി വീട്ടിലേക്ക് തിരിച്ചു വീടിനു മുന്നിലെത്തിയപ്പോള്‍ സുഹൃത്തുക്കളിലൊരാള്‍ കയ്യില്‍ കരുതിയ തോക്കെടുത്ത് നിറയൊഴിക്കുകയായിരുന്നു.

ശേഷം ഇയാള്‍ ഓടിരക്ഷപ്പെട്ടു. പെണ്‍കുട്ടിയുടെ അമ്മയും കൂടെയുണ്ടായിരുന്ന മറ്റൊരു സുഹൃത്തും ചേര്‍ന്ന് പെണ്‍കുട്ടിയെ ആശുപത്രിയിലെത്തിച്ചെങ്കിലും മരണപ്പെട്ടു. സ്ഥലത്തു നിന്നും തോക്ക് കണ്ടെത്തിയിട്ടുണ്ട്. പ്രതിയും ഇയാളുടെ കുടുംബവും ഒളിവിലാണ്.