ചെറുവത്തൂര്‍: പകല്‍ സമയങ്ങളിലെ വൈദ്യുത മുടക്കം പതിവായതോടെ ബാങ്കുകളിലെത്തുന്നവരും ജീവനക്കാരും ഒരു പോലെ വിയര്‍ക്കുന്നു. ചെറുവത്തൂര്‍, കാലിക്കടവ് എന്നിവിടങ്ങളിലാണു കഴിഞ്ഞ ദിവസങ്ങളില്‍ മണിക്കൂറുകളോളം വൈദ്യുതി മുടങ്ങിയത്.
അത്യാവശ്യം വെളിച്ചത്തിനും കംപ്യൂട്ടറുകള്‍ പ്രവര്‍ത്തിക്കുന്നതിനുമുള്ള ഇന്‍വെര്‍ട്ടര്‍ സംവിധാനം മാത്രമേ പല ബാങ്കുകളിലുമുള്ളൂ.
അതിനാല്‍ ഫാനുകള്‍ നിശ്ചലമായതോടെ വിയര്‍ത്തുകുളിച്ചാണു ബാങ്കുകള്‍ക്കുള്ളില്‍ നിന്ന് ഇടപാടുകാര്‍ പുറത്തിറങ്ങിയത്. ടോക്കണ്‍ നമ്പറുകള്‍ അറിയിക്കാനുള്ള സംവിധാനവും വൈദ്യുതി ഇല്ലാത്ത സമയങ്ങളില്‍ പ്രവര്‍ത്തിച്ചില്ല.