കാസര്‍കോട്: മതത്തെക്കുറിച്ച് പഠിക്കാത്തവരാണു വര്‍ഗീയ വാദികളാകുന്നതെന്ന് എസ്.കെ.എസ്.എസ്.എഫ് ജില്ലാ പ്രസിഡന്റ് താജുദ്ധീന്‍ ദാരിമി പടന്ന. ജില്ലാ കമ്മിറ്റി സംഘടിപ്പിച്ച ജില്ലാ തന്‍ഷീത്ത് ഉദ്ഘാടനം ചെയ്യുകയായിരുന്നു അദ്ദേഹം. ഇസ്്‌ലാമിന്റെ സ്‌നേഹ സന്ദേശങ്ങള്‍ ഉള്‍ക്കൊള്ളാതെ മതത്തെ സ്വന്തം വ്യാഖ്യാനങ്ങള്‍ക്കു വിധേയമാക്കിയതാണു പുതിയ ദുരന്തം.
ഋഷിശ്രേഷ്ടന്മാരുടെ ദര്‍ശനങ്ങള്‍ ഫാസിസ്റ്റുകള്‍ ദുര്‍വ്യാഖ്യാനം ചെയ്യുകയാണെന്നും ഇന്ത്യന്‍ ബഹുസ്വരതക്കു നേരേയുയര്‍ന്ന വെല്ലുവിളികളെ തിരിച്ചറിയണമെന്നും അദ്ദേഹം പറഞ്ഞു. സിറാജുദ്ധീന്‍ ഖാസി ലൈന്‍ അധ്യക്ഷനായി. സ്വാദിഖ് ദാരിമി ആദൂര്‍, ഹാരിസ് ഗാളിമുഖം, ഇര്‍ഷാദ് ഹുദവി സംബന്ധിച്ചു.