കൊണ്ടോടി: ഒളവട്ടൂര്‍ ഹയാത്തുല്‍ ഇസ്‌ലാം ഓര്‍ഫനേജിന്റെ ഗോള്‍ഡന്‍ ജൂബിലിയുടെ സമാപന സമ്മേളനം 26 മുതല്‍ 29 വരെ നടക്കും. സമാപന സമ്മേളനം 26ന് വൈകീട്ട് 7.30 ന് പാണക്കാട് സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം ചെയ്യും. അഹമ്മദ് കബീര്‍ ബാഖവി കാഞ്ഞാര്‍ പ്രഭാഷണം നടത്തും.
27 ന് നടക്കുന്ന മതപ്രഭാഷണം സമസ്ത ട്രഷറര്‍ സയ്യിദ് മുഹമ്മദ് ജിഫ്‌രി മുത്തുകോയ തങ്ങള്‍ ഉദ്ഘാടനം ചെയ്യും. ബഷീര്‍ നിസാമി അല്‍ ബുസ്താനി പ്രഭാഷണം നടത്തും. 28 ന് നടക്കുന്ന സെമിനാറില്‍ ഇ.ടി മുഹമ്മദ് ബഷീര്‍ എം.പി, അഡ്വ.എന്‍.ശംസുദ്ദീന്‍ എം.എല്‍.എ, അഡ്വ.ഓണമ്പിള്ളി മുഹമ്മദ് ഫൈസി, സത്താര്‍ പന്തല്ലൂര്‍ പങ്കെടുക്കും.
29ന് രാവിലെ നടക്കുന്ന വനിതാ സംഗമത്തില്‍ റംല അമ്പലക്കടവ് ക്ലാസെടുക്കും. വൈകിട്ട് സമാപന സമ്മേളനം സമസ്ത ജനറല്‍ സെക്രട്ടറി പ്രൊഫ.കെ.ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും.പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള്‍ അധ്യക്ഷനാകും. സിംസാറുല്‍ ഹഖ് ഹുദവി മുഖ്യ പ്രഭാഷണം നടത്തും.പി.കെ കുഞ്ഞാലിക്കുട്ടി, പി.വി അബ്ദുല്‍ വഹാബ് എം.പി, ടി.വി ഇബ്രാഹീം എം.എല്‍.എ, കെ.മുഹമ്മദുണ്ണി ഹാജി, പി.എ ജബ്ബാര്‍ ഹാജി സംസാരിക്കും. എസ്.വൈ.എസ് സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി , അത്തിപ്പറ്റ ഉസ്താദ് എന്നിവര്‍ ദുആ സംഗമത്തിന് നേതൃത്വം നല്‍കും.