മലപ്പുറം: ബുദ്ധിയുടെ കാര്യത്തില്‍ പ്രധാനമന്ത്രി നരേന്ദ്രമോദി തുക്ലക്കിനെക്കാള്‍ മോശമാണെന്നു പ്രതിപക്ഷ നേതാവ് രമേശ് ചെന്നിത്തല. തന്റെ പരിഷ്‌കാരം വിജയമല്ലെന്നു കണ്ടപ്പോള്‍ തുഗ്ലക്ക് അതു തിരുത്തിയിട്ടുണ്ട്. എന്നാല്‍, തന്റെ തീരുമാനം തെറ്റാണെന്നറിഞ്ഞിട്ടും മോദി അതു തിരുത്താന്‍ തയാറാകുന്നില്ലെന്നും ചെന്നിത്തല പറഞ്ഞു.
മലപ്പുറത്ത് സെറ്റോ സംഘടിപ്പിച്ച സ്‌പെഷല്‍ കണ്‍വന്‍ഷന്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സെറ്റോ ജില്ലാ ചെയര്‍മാന്‍ വി.പി ദിനേശ് അധ്യക്ഷനായി. ഡി.സി.സി പ്രസിഡന്റ് അഡ്വ. വി.വി പ്രകാശ്, എ.പി അനില്‍കുമാര്‍ എം.എല്‍.എ, കെ.പി.സി.സി സെക്രട്ടറിമാരായ വി.എ കരീം, പി.ടി അജ്‌മോഹന്‍, മുന്‍ ഡി.സി.സി പ്രസിഡന്റ് ഇ. മുഹമ്മദ്കുഞ്ഞി, വി. സുധാകരന്‍, അഡ്വ. ഫാത്തിമ റോഷ്‌ന, പി.എ മജീദ്, അസീസ് ചീരാന്‍ തൊടി, എം.കെ മുഹ്‌സിന്‍, വി. ബാബുരാജ്, കല്ലായി മുഹമ്മദലി, എ.കെ അബ്ദുറഹിമാന്‍, യു.കെ അഭിലാഷ്, കെ. അബ്ദുല്‍ മജീദ്, കെ.എല്‍ ഷാജു സംസാരിച്ചു.