മലപ്പുറം: ജില്ലാതല കേരളോത്സവത്തോടനുബന്ധിച്ചുള്ള കായിക മത്സരങ്ങള്‍ ഇന്ന് ആരംഭിക്കും. പറപ്പൂര്‍ പഞ്ചായത്ത് മിനി സ്റ്റേഡിയത്തില്‍ ക്രിക്കറ്റ് ട്വിന്റി-ട്വന്റി മത്സരങ്ങള്‍ ജില്ലാ പഞ്ചായത്ത് പ്രസിഡണ്ട് എ.പി ഉണ്ണികൃഷ്ണന്‍ ഉദ്ഘാടനം ചെയ്യും. ചെസ് മത്സരം വേങ്ങര പഞ്ചായത്ത് ഹാളില്‍ ബ്ലോക്ക് പഞ്ചായത്ത് പ്രസിഡന്റണ്ട് പി.കെ അസ്‌ലു ഉദ്ഘാടനം ചെയ്യും. നാളെ കോഴിച്ചെന എം.എസ്.പി ഗ്രൗണ്ടണ്ടില്‍ ഫുട്‌ബോള്‍ മത്സരങ്ങളും ഷട്ടില്‍ മത്സരങ്ങള്‍ വേങ്ങര റാക്കറ്റ് ഹട്ട് ഇന്‍ഡോര്‍ സ്റ്റേഡിയത്തിലും നടക്കും. ഫുട്‌ബോള്‍ മത്സരം എം.എസ്.പി ഡെപ്യൂട്ടി കമാന്‍ഡന്റ് കുരികേശ് മാത്യൂവും ഷട്ടില്‍ മത്സരം വേങ്ങര പഞ്ചായത്ത് പ്രസിഡന്റണ്ട് വി.കെ കുഞ്ഞാലന്‍കുട്ടിയും ഉദ്ഘാടനം ചെയ്യും. മത്സരം രാവിലെ ഒന്‍പതിനുതന്നെ ആരംഭിക്കും. ടീം മാനേജര്‍മാര്‍ 8.30നു തന്നെ റിപ്പോര്‍ട്ട് ചെയ്യണം.