മീനങ്ങാടി: ബൈക്കും ലോറിയും കൂട്ടിയിടിച്ച് യുവാവ് മരിച്ചു.

ചെണ്ടക്കുനി പുത്തന്‍പുരക്കല്‍ ശഫീഖാ(21)ണ് മരണപ്പെട്ടത്.

കൊളവയല്‍ സമീപത്തായിരുന്നു അപകടം. ബത്തേരിയിലേക്ക് പോവുകയായിരുന്ന ഷഫീഖ് സഞ്ചരിച്ച ബൈക്ക് കെ.എസ്.ആര്‍.ടി.സിയെ മറികടക്കുന്നതിനിടെ എതിരെ വന്ന ലോറിയുമായി കൂട്ടിയിടിക്കുകയായിരുന്നു.

ശഫീഖ് സംഭവസ്ഥലത്തു വെച്ചുതന്നെ മരിച്ചു.

ലോറി ഡ്രൈവര്‍ ലോറിയുമായി മീനങ്ങാടി പൊലിസ് സ്റ്റേഷനില്‍ ഹാജരായി. ഷബീര്‍മൈമൂന ദമ്പതികളുടെ മകനാണ് ഷഫീഖ്. രണ്ടു സഹോദരങ്ങളുണ്ട്. മൃതദേഹം കല്‍പ്പറ്റയിലെ സ്വകാര്യ ആശുപത്രിയില്‍ സൂക്ഷിച്ചിരിക്കുകയാണ്.