ലണ്ടന്‍: ലെയ്‌സ്റ്റെര്‍ സിറ്റിയുടെ സൂപ്പര്‍ താരം ജാമി വാര്‍ഡിക്ക് മൂന്നു മത്സരങ്ങളില്‍ വിലക്ക്. ഇംഗ്ലീഷ് ഫുട്‌ബോള്‍ അസോസിയേഷനാണ് വാര്‍ഡിക്ക് വിലക്കേര്‍പ്പെടുത്തിയത്. സ്റ്റോക് സിറ്റിക്കെതിരായ മത്സരത്തില്‍ ഗുരുതര ഫൗളിനെ തുടര്‍ന്ന് ചുവപ്പു കാര്‍ഡ് കണ്ട് പുറത്തുപോയിരുന്നു വാര്‍ഡി. ഇതാണ് വിലക്കിന് കാരണം.
വിലക്കിനെതിരേ ലെയ്‌സ്റ്റെര്‍ അപ്പീല്‍ നല്‍കിയെങ്കിലും കമ്മിറ്റി തള്ളി. താരത്തിന്റെ ഫൗള്‍ ഗുരുതരമല്ലെന്നായിരുന്ു ലെയ്‌സ്റ്റെറിന്റെ വാദം. എവര്‍ട്ടന്‍, വെസ്റ്റ് ഹാം, മിഡില്‍സ്‌ബ്രോ എന്നിവര്‍ക്കെതിരേയുള്ള മത്സരമാണ് വാര്‍ഡിക്ക് നഷ്ടമാകുക. വാര്‍ഡിക്ക് പുറമേ ക്രിസ്റ്റ്യന്‍ ഫുച്ച്‌സ്, റോബര്‍ട്ട് ഹുത് എന്നിവര്‍ക്കും വിലക്കുള്ളതിനാല്‍ മൂന്നു പേരുടെ അസാന്നിധ്യത്തിലാവും ലെയ്‌സ്റ്റെര്‍ കളത്തിലിറങ്ങുക.