കാളികാവ്: ഇസ്‌ലാം ജീവകാരുണ്യ പ്രവര്‍ത്തനങ്ങളെ പ്രോത്സാഹിപ്പിച്ച മതമാണെന്ന് പാണക്കാട് സയ്യിദ് അബ്ബാസലി ശിഹാബ് തങ്ങള്‍. ഹിമ സമര്‍പ്പണ പ്രചാരണ യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഹിമാ ചെയര്‍മാന്‍ എ.പി ബാപ്പു ഹാജി അധ്യക്ഷനായി.
എ.പി മുഹമ്മദ് മുസ്‌ലിയാര്‍ അനുസ്മരണ പ്രാര്‍ഥനാ സദസിനു സമസ്ത കേന്ദ്ര മുശാവറ അംഗം വാക്കോട് മൊയ്തീന്‍ കുട്ടി ഫൈസി നേതൃത്വം നല്‍കി. സുലൈമാന്‍ ഫൈസി ചുങ്കത്തറ അനുസ്മരണ പ്രഭാഷണവും സി. ഹംസ മദ്ഹുര്‍റസൂല്‍ പ്രഭാഷണവും നടത്തി. സിംസാറുല്‍ ഹഖ് ഹുദവി അബൂദാബി മുഖ്യപ്രഭാഷണം നടത്തി.
സമസ്ത മുശാവറ അംഗം ഒ. കുട്ടി മുസ്‌ലിയാര്‍, സി.ഐ.സി കോഡിനേറ്റര്‍ അബ്ദുല്‍ ഹകീം ഫൈസി ആദൃശ്ശേരി, ഹിമ ഡയറക്ടര്‍ സുലൈമാന്‍ ഫൈസി മാളിയേക്കല്‍, കാളികാവ് ബ്ലോക്ക് പഞ്ചായത്ത് പ്രസിഡന്റ് പി. ഖാലിദ് മാസ്റ്റര്‍, ഗ്രാമപഞ്ചായത്ത് പ്രസിഡന്റ് വി.പി.എ നാസര്‍, പി.എസ്.എച്ച് തങ്ങള്‍, ബ്ലോക്ക് പഞ്ചായത്തംഗങ്ങളായ ജോജി കെ. അലക്‌സ്, കെ.പി ഹൈദരലി, ഫാദര്‍ ജോസഫ് ഇടക്കാട്ടില്‍, പി. സെയ്ദാലി മുസ്‌ലിയാര്‍, ഫരീദ് റഹ്മാനി കാളികാവ്, മുജീബ് റഹ്മാന്‍ ദാരിമി, ബഹാഉദ്ദീന്‍ ഫൈസി, സലാം ഫൈസി ഇരിങ്ങാട്ടിരി, പി. ജമാലുദ്ദീന്‍ മുസ്‌ലിയാര്‍ സംസാരിച്ചു.