തിരൂര്‍: സുകൃത ബാല്യം ഭാവിയുടെ സുഗന്ധം എന്ന പ്രമേയത്തില്‍ എസ്.കെ.എസ്.ബി.വി സ്ഥാപകദിനം മദ്‌റസാതലങ്ങളില്‍ പതാക ഉയര്‍ത്തല്‍, മോണിങ് അസംബ്ലി, മധുരവിതരണം, റെയ്ഞ്ച് തലങ്ങളില്‍ സ്ഥാപകദിന സംഗമം എന്നീ പരിപാടികളോടെ ആചരിക്കാന്‍ സുന്നി ബാലവേദി മലപ്പുറം വെസ്റ്റ് ജില്ലാ കമ്മിറ്റി തീരുമാനിച്ചു.
സ്ഥാപക ദിനാചരണത്തിന്റെ ഭാഗമായി മേഖലാ സംഗമങ്ങള്‍ 24ന് നടക്കും. ചേളാരി മേഖലാ സംഗമം വൈകീട്ട് മൂന്നിന് സമസ്താലയത്തിലും ചെമ്മാട് മേഖലാ സംഗമം രാവിലെ പത്തിന് ഖിദ്മത്തുല്‍ ഇസ്‌ലാം മദ്‌റസയിലും കോട്ടക്കല്‍ മേഖലാ സംഗമം രാവിലെ പത്തിന് കോട്ടക്കല്‍ ടി.ഐ മദ്‌റസയിലും തിരൂര്‍ മേഖല രാവിലെ പത്തിന് കൈതവളപ്പ് എന്‍.ഐ മദ്‌റസയിലും വളാഞ്ചേരി മേഖലാ സംഗമം രാവിലെ പത്തിന് വളാഞ്ചേരി ബുസ്താനുല്‍ ഉലൂം മദ്‌റസയിലും പൊന്നാനി മേഖലാ സംഗമം രാവിലെ പത്തിന് എടപ്പാള്‍ ദാറുല്‍ ഹിദായയിലും നടക്കും.
യോഗത്തില്‍ ജില്ലാ പ്രസിഡന്റ് സയ്യിദ് റാജിഹ് അലി ശിഹാബ് തങ്ങള്‍ അധ്യക്ഷനായി. ജംഇയ്യത്തുല്‍ മുഅല്ലിമീന്‍ ജില്ലാ സെക്രട്ടറി നൗഷാദ് ചെട്ടിപ്പടി ഉദ്ഘാടനം ചെയ്തു. അനീസ് ഫൈസി മാവണ്ടിയൂര്‍, ലുഖ്മാനുല്‍ ഹകീം ഫൈസി, റബീഉദ്ദീന്‍ വെന്നിയൂര്‍, ഫായിസ് വെന്നിയൂര്‍, ഷഫീഖ് പുതുപ്പറമ്പ്, അനസ് മമ്പീതി, പി.ടി ജുനൈര്‍, കെ.ടി ഫാസില്‍ സംസാരിച്ചു.