തിരൂര്‍: ഹുബ്ബുറസൂല്‍ ഹുബ്ബുല്‍ വഥന്‍ മീലാദ് ക്യാംപയിന്റെ ഭാഗമായി സമസ്ത തിരൂര്‍ മുനിസിപ്പല്‍ സമസ്ത കോഡിനേഷന്‍ കമ്മിറ്റി സംഘടിപ്പിക്കുന്ന സ്വലാത്ത് ജാഥയും ആദര്‍ശ സമ്മേളനവും 25ന് നടക്കും. വൈകീട്ട് നാലിന് ചെമ്പ്ര ജുമുഅ മസജിദ് പരിസരത്ത് നിന്ന് ആരംഭിക്കുന്ന സ്വലാത്ത് ജാഥ ഇല്ലത്തപാടത്ത് സമാപിക്കും.
സമസ്ത മുശാവറ അംഗം എ മരക്കാര്‍ ഫൈസി സയ്യിദ് ഫഖ്‌റുദ്ദീന്‍ ഹസനി തങ്ങള്‍, മുസ്തഫ അഷ്‌റഫി കക്കുപടി, സ്വലാഹുദ്ദീന്‍ ഫൈസി വെന്നിയൂര്‍ സംബന്ധിക്കും.
യോഗത്തില്‍ പി.എം റഫീഖ് അഹമ്മദ് അധ്യക്ഷനായി. കെ.പി റസാഖ് ഫൈസി, ടി സൈനുദ്ദീന്‍, പി ഇസ്മയില്‍ ഹാജി, ടി അഷ്‌റഫ്, പി മനാഫ്, തുറുവായില്‍ ബശീര്‍ ഹാജി, എം.പി സ്വാദിഖ് സംസാരിച്ചു.