മട്ടാഞ്ചേരി: പതിരാത്രി വീട്ടിലേക്ക് ഇരച്ചു കയറിയ സംഘം ജനല്‍ ചില്ലുകള്‍ തല്ലി തകര്‍ത്തും തടയാന്‍ ശ്രമിച്ച ഭാര്യക്കും ഭര്‍ത്താവിനും ബന്ധുവിനും പരുക്കേറ്റു. കൈതവേലി പുന്നക്കല്‍ വീട്ടില്‍ പൊന്നപ്പന്റെ മകന്‍ ഫെബിയാന്‍(34) ഭാര്യ ജാന്‍സി(26), പൊന്നപ്പന്റെ സഹോദരന്‍ സ്റ്റാന്‍ലി(52) എന്നിവര്‍ക്കാണു പുരുക്കേറ്റത്. ഇവര്‍ കരുവേലിപ്പടി സര്‍ക്കാര്‍ ആശുപത്രിയില്‍ ചികില്‍സയിലാണ്. അക്രമികള്‍ക്കെതിരെ കണ്ണമാലി പൊലീസ് ദുര്‍ബലമായ കേസാണ് എടുത്തിരിക്കുന്നതെന്ന് സിറ്റി പൊലീസ് കമ്മീഷണര്‍ക്കു നല്‍കിയ പരാതിയില്‍ കുറ്റപ്പെടുത്തി.